نئی دہلی،25؍ستمبر(ایس او نیوز؍ایجنسی) ملک میں لگاتار چھ دن تک کورونا وبا کو مات دینے والوں کی تعداد وائرس کے نئے کیسز سے زیادہ رہنے کے بعد گزشتہ 24 گھنٹوں کے دوران ان میں کمی آئی اور اس دوران جہاں 81،177 افراد شفایاب ہوئے، وہیں تقریبا پانچ ہزار مزید اضافہ سے 86،052 کیسز رپورٹ ہوئے جن کے نتیجے میں فعال کیسز میں 3،734 کا اضافہ ہوا۔
جمعہ کو مرکزی وزارت صحت کے جاری اعدادوشمار کے مطابق گذشتہ 24 گھنٹوں کے دوران کورونا وائرس کے 86،052 نئے کیسز سامنے آئے ، جس سے متاثرہ افراد کی مجموعی تعداد 58،18،571 ہو گئی ہے۔ اسی عرصے کے دوران 81،177 مریض صحت یاب ہوئے ہیں۔ اس کے ساتھ ہی اب کورونا سے شفایابی حاصل کرنے والوں کی تعداد 47،56،165 ہوگئی ہے۔ گزشتہ 24 گھنٹوں کے دوران ایکٹیو کیسز کی تعداد 3،734 کےا ضافہ سے مجموعی تعداد 9،70،116 ہوگئی ہے۔
اس سے قبل مسلسل چھ دن تک کورونا سے صحت مند ہونے والوں کی تعداد میں اضافے سے ایکٹیو کیسز میں کمی واقع ہوئی تھی۔ فعال کیسز میں ہفتہ کو 3790 ، اتوار کو 3140 ، پیر کو 7525 ، منگل کو 27،438 ، بدھ کے روز 7،484 اور جمعرات کو 1،995 عدد کی کمی آئی۔ اسی عرصہ کے دوران ملک میں کورونا کے 1،141 مریض لقمہ اجل بن گئے جس سے جان لیوا وبا سے ہاتھ دھونے والوں کی مجموعی تعداد 92،290 ہوگئی۔ ملک میں سرگرم کیسز کی شرح 16.67 فیصد،اموات کی شرح 1.59 فیصد جبکہ کورونا سے شفایابی کی شرح 81.74 فیصد رہی۔
ملک میں کورونا وائرس سے سب زیادہ متاثرریاست مہاراشٹر ہے جہاں گزشتہ 24 گھنٹوں کے دوران ایکٹیو کیسز کی تعداد 1،521 سے بڑھ کر 2،75،404 ہوچکی ہے جبکہ مزید 459 اموات کے ہلاک شدگان کی مجموعی تعداد 34،345 ہوگئی ہے۔ اسی مدت کے دوران 17،184 افراد شفایاب ہوئے ، جس سے صحت مند افراد کی مجموعی تعداد 9،73،214 ہوگئی۔
ملک کی جنوبی ریاست کرناٹک میں گذشتہ 24 گھنٹوں کے دوران کورونا مریضوں کی تعداد میں 897 کا اضافہ ہوا ہے جس سے ریاست میں اب 95،568 فعال کیسز ہیں۔ ریاست میں اموات کی تعداد 8،331 ہوچکی ہے جبکہ اب تک 4،44،658 افراد شفایاب ہوئے ہیں۔ ریاست آندھرا پردیش میں اسی عرصہ میں 1،004 کی کمی کے ساتھ فعال کیسز کی تعداد 69،353 رہ گئی۔ ریاست میں اب تک 5558 افراد ہلاک ہوچکے ہیں جبکہ 5،79،474 مریض شفایاب ہوئے ہیں۔
آبادی کے لحاظ سے ملک کی سب سے بڑی ریاست اتر پردیش میں اسی عرصہ کے دوران 398 مریض کم ہوئے ہیں جس کے نتیجے میں اس ریاست میں فعال کیسز 61،300 رہ گئے ہیں جبکہ اب تک 5،366 افراد ہلاک اورجان لیوا وبا سے 3،07،611 مریض شفایاب ہوئے ہیں۔ ریاست تامل ناڈو میں ایکٹیو کیسز کی تعداد 46،405 ہوگئی ہے اور 9076 افراد ہلاک ہوچکے ہیں۔ ریاست میں اب تک 5،08،210 افراد جان لیوا وبا سے شفایاب ہوئے ہیں۔ ریاست کیرالہ میں فعال کیسز کی تعداد 45،993 ہوگئی ہے اور 613 افراد ہلاک ہوچکے ہیں جب کہ صحت مند افراد کی تعداد 1،07،850 ہوچکی ہے۔
ریاست اوڈیشہ میں فعال کیسز کی تعداد 35،092 اور 752 افراد لقمہ اجل بن چکے ہیں جبکہ جان لیوا وبا سے شفایابی حاصل کرنے والوں کی تعداد 1،61،044 ہوگئی ہے۔ اسی مدت کے دوران قومی دارالحکومت دہلی میں مزید 289 مریضوں کے اضافہ کے ساتھ مجموعی تعداد 28،125 ہوگئی۔ خوفناک اور جان لیوا وبا سے اموات کی تعداد بڑھ کر 5،123 ہوگئی ہے اور اب تک 2،24،375 مریض شفایاب ہوئے ہیں۔ ریاست تلنگانہ میں کورونا کے 30387 فعال کیسز ہیں اور 1080 افراد کی موت ہوچکی ہے جبکہ اس وبا سے 1،50،160 افراد شفایاب ہوئے ہیں۔ ریاست مغربی بنگال میں کورونا وائرس کے 25221 فعال کیسز ہیں اور 4606 افراد لقمہ اجل بن چکے ہیں ، جبکہ اب تک 2،08،042 مریض شفایاب ہوئے ہیں۔
ریاست پنجاب میں ایکٹیو کیسز کی تعداد بڑھ کر 20،679 ہوگئی ہے اور جان لیوا وبا سے نجات حاصل کرنے والوں کی تعداد بڑھ کر 81،475 ہوگئی ہے جبکہ اب تک ریاست میں 3066 افراد ہلاک ہوچکے ہیں۔ ریاست مدھیہ پردیش میں کورونا وائرس کے ایکٹیو کیسز کی تعداد 22،744 ہے اور 90،495 مریض شفایاب ہوئے ہیں جبکہ 2122 افراد اس وبا سے ہلاک ہو چکے ہیں۔ ریاست گجرات میں 16،327 فعال کیسز ہیں اور 3381 افراد ہلاک ہوئے ہیں جبکہ ابھی تک 1،09،079 کورونا مریض اس وبا سے شفایاب ہوئے ہیں۔
ریاست بہار میں 13015 ایکٹیو کیسزہیں جبکہ ابھی تک 878 افراد لقمہ اجل بن چکے ہیں ۔ ریاست میں ابھی تک 1،60،178 کورونا مریض شفایاب ہوئے ہیں۔ ابھی تک مہلک ترین اور جان لیوا عالمی وبا کورونا وائرس سے راجستھان میں 1397 ، ہریانہ میں 1255 ، جموں و کشمیر میں 1084 ، چھتیس گڑھ میں 752 ، جھارکھنڈ میں 652 ،آسام میں608، اتراکھنڈ میں 542 ، پڈوچیری میں 487 ، گوا میں 383 ، تری پورہ میں265 ، چنڈی گڑھ میں 144 ، ہماچل پردیش میں 150 ، منی پور میں 62 ، لداخ میں 54 ، انڈمان نکوبار جزائر میں 52 ، میگھالیہ میں 43 ، سکم میں 31 ، ناگالینڈ میں 16 ، اروناچل پردیش میں 14 اور دادر نگر حویلی اور دامن دیو میں دو افراد کی موت ہوچکی ہے۔